الثلاثاء، 23 يونيو 2009

وحيد من كتر اللي حواليا

وحيد من كتر اللي حواليا . فاكرين اني مبسوط وحاسس بمشاعرهم ليا. لكن محدش عارف ان اللي كان جوايا سابني اعيش وحيد رغم كل اللي فيا. بحاول اعيش وانسي ومن عبطي وطيبتي فاكر ان كل دول باكيين عليا. لكن للاسف ماحدش عارف ان من جوايا فاضي ووحيد من كل ما ليا . اعمل ايه . مضطر اضحك واحكي واتكلم بس ببعد عن حد يلمسني لان بقيت فاضي من جوايا مافيش غير نفس بيطلع ويدخل وياريته كان ليا. كنت بتنفس نفس تاني . مش من الهوا . لكن من حد تاني كنت عايش وبعيش منه راح ومشي وسابني وحداني . ياللي حواليا اسمعوني وبصوا جوايا وانت تعرفو مافيا ساعدوني . بس محتار . تساعدوني . ترجعوا اللي ضاع مني ولا تعملو ايه دلوني

10 رايك يهمنا:

micheal يقول...

كلنا بنتلعم من تجاربنا واللي يبيعك أوعي تشتريه

Ramy Wasel يقول...

الوحده اذا نبعت من داخلك
هى اول احاسيس الضياع
فلا تستسلم لهذا الشعور
وقاومه
وابحث عن من يحبك لذاتك
ولو كان واحد فقط فى الكون
يكفى ان تعيش من اجله

لاسع افندى يقول...

الله عليك يا منياوى
فين ياعم الحاجات دى من زمان

بلاش تتأخر علينا فى الكتابه


تحياتى ياشريكى

Hadota ... حدوتة يقول...

كلماتك القليلة عبرت عن الوحدة وجسدتها بشكل رائع

يارب تكون دى مجرد خاطرة مش حالة انت عايش فيها

فى كل الاحوال مينفعش تستسلم للوحدة وللحزن واللى راح بالمنظر دا

الحياة مليانة حاجات كتير
انسي اللى راح لانه مبيرجعش
خالى عندك امل فى بكرة جديد وجميل انت اللى تلونه بايدك عشان يبقى متناسب معاك

دور بس من جوا انت عاوز ايه .. وابتدى شوف دا توصله ازاى .. وابدأ التنفيذ فورا

وبلاش الاستسلام لشعور الوحدة دا ربنا يكرمك


تحياتى
:)

GiGi world يقول...

نقولك فى اخوات هنا دايما بيدعولك الاهم ان فى رب حكيم عليم
ربنا يباركلك ويفرج كربك ويهديك الى سواء الصراط واحنا يارب كلنا

الشعب لابد له من حكومه تشكمه يقول...

اولا احب اطمنك دونت ورى دى حاله متفشيه بين شباب مصر تقريبا وباء جديد هيهجم على مصر بس بيصيب الشباب وبس.
ثانيا ندلك وماله ياسيدى اولا اللى ضاع منك متحاولش ترجعه لو ضاع بمزاجه سيبه يضيع لو ضاع غصب عنك برضه سيبه يضيع اصله لو مكتوبله انك تلاقيه هتلاقيه:))
انسى اللى فات وعيش يافرحات وبلاش نعيش على شوية ذكريات..
(تنفع مطلع اغنيه تصدق:)

(Joudy) يقول...

أصعب احساس فى الدنيا انك تحس بالوحدة وحوليك ناس كتير برغم كل اللى بيعملوا علشانك الا ان الوحدة سكناك وده علشان حد معين مش لاقية موجود بينهم حقيقى شئ مؤلم للغاية

تقبل مرورى

دمت بكل الخير

أحــوال الهـوي يقول...

يا اخي كلامك جميل بصرف النظر عن المعاناة به

بس مس القلب و حرك المشاعر و خلاني اقول و انا كمان

يظهر انا دخلت مدونة فيلسوف حكيم

تحياتي

سوسو الاموره يقول...

اكتر حاجه تحزن بالدنيا دي انك تحس بالوحده وحوليك ناس كتيره بس مفيش حد منهم يحسك مع كترهم بيال الاهتمام يمكن الي بيشتكي والي بيزعل والي بيفرح كلامك ميه ميه حلو اوي لانوا دي الحئيئه بس خد بالك الوحده ممكن تخليك تتقوقع في قوقعتك ومش تخليك تشوف احلامك ومدى السعاده الي فيها الي لازم تبحث عنها عن طريئ التعارف والتخالط والانفتاح على العالم تقبل مروري

mony يقول...

بص ...الحل الوحيد انك تشترى كلب لطيف ومقطقط وتلعب معاه ..صدقنى مش هتبقى وحيد ومش هيخونك ومش هيسيبك .الا لوانت سبيته.