الجمعة، 25 يونيو، 2010

راح احمد....... دفع حياته ثمنا للبيروقراطية وقسوة القلوب

احمد محمد عاكف مواطن مصري قاده قدره للعمل بوزارة التربية والتعليم ليكون احد رجالها الذين يقدمون رسالة لا تقل في قيمتها عن رسالة كل أب وكل أم تجاه أبنائها . اعتقد أن في رسالته التعليمية قيمه تستحق أن يقف له الجميع ليفيه التبجيل لأنه كاد أن يكون رسولا . تزوج وأنجب من الأطفال ثلاث أدهم 10 سنوات، وميسره 8 سنوات، وبسملة في سن الحضانة. أول كل شهر ينتظره بفارغ الصبر لان من عمله مصدر رزقه الوحيد . وجاء قرار الوزارة المعتاد لانتدابه إلي مدينة طهطا بسوهاج ليكون مراقبا مع باقي زملائه في امتحانات الثانوية العامة بعبع أولياء الأمور والطلاب احضر حقيبته كعادة كل عام ووصل إلي مقر استراحته ولم يكن يعرف إنها مكان راحته الأخير . اعتقد في بادئ الأمر أن هذا المكان هو لتخزين أوراق إجابات وأسئلة الطلاب قبل وبعد كل امتحان ولكن اتضح أن هذا هو المكان الذي سيقيم به هو وباقي زملائه المراقبين . ما باليد حيله فحاله حال باقي زملائه أيام وتنتهي الامتحانات وهذا ليس بجديد . عاكف مريض بمرض قد يكون للكثير غريبا وهو زيادة مفرطة في السمنة تجعل من جسده في أوقات الحرارة الشديدة في حالة إعياء شديد واختناق واحتباس في البول وقد تقدم إلي الوزارة بطلب اعتزاز ألا انه تم رفضه قبل موعد الامتحانات ولأجل القدر انقلب الطقس العام علي مستوي الجمهورية بشكل عام بارتفاع كبير في درجات الحرارة ونسبة الرطوبة وفي الصعيد بشكل خاص نظرا لما تشتهر به هذه المنطقة من ارتفاع ملحوظ في درجات الحرارة حتى في الأيام العادية فتأثر عاكف بهذه الأجواء وشعر بحالة اختناق شديد بالاضافه إلي الاحتباس في البول وعندما تحدث له هذه الأعراض اعتاد أن ينقل إلي العناية المركزة لمده حوالي عشر أيام بغرفة لابد من أن تكون مكيفه لكي يستعيد جسده عافيته مرة أخري إلا أن رئيس اللجان رفض أن يتم نقله إلي المستشفي وادعي أن هذه هي تعليمات الوزارة ألا يخرج أي مدرس من مكان المراقبة بالرغم من عدم وجود أي طبيب أو عربة إسعاف بالمدرسة حتى للطلبة والطالبات الممتحنين . حاول زملائه مع رئيس اللجان أن ينقلوا زميلهم إلي المستشفي إلا انه رفض وعندما أصر علي رفضه وأمام ما يشاهدونه من حالة زميلهم انتقلوا به إلي اقرب مستوصف ولكن نظرا للإمكانيات المحدودة التي به لم يتمكنوا من إسعافه في الوقت اللازم .فارق احمد محمد عاكف الحياة في مشهد اليم لو تم ادعائه بأحد الأفلام الدرامية لأبكي الجميع دما . الصدمة الأكبر كانت لشقيقه عندما علم بالخبر وذهب لإحضار جثمانه من مكان عمله فوجده ملقي علي احد الأسرة بالمدرسة وجميع زملائه في حالة غضب فلم يكن أمامه سوي أن يحمل شقيقه ليوصله إلي مدفنه بالمنيا ومثواه الأخير . رحم الله المخلص عاكف وكل مواطن شهيد في هذا الوطن لقي مصرعه فداء لوظيفته ولقمة عيشه.

الجمعة، 26 مارس، 2010

7%


زغرتى ياوليه العلاوه 7فــى الميه

افرحوا ياعيال الغدا سندوتشات ميه


.

الجمعة، 12 فبراير، 2010

الاربعين


شكر وزكرى الاربعين

لكل قلب معانا حزين

وكل دمع فى اى عين

مسيحيين او مسلمين

كل فلاح فى بلادى

عارف قيمة الضنا والطين

كل صعيدى بطول الوادى

فاهم اصل العله فى مين

عارف ان فى نجع حمادى

كلب اتسعر من سنين

اصبح غول للكل يعادى

كرشه اتعبى بنى ادمين

ياحضرات المجتمعين

تحت القبه ومش داريين

فى زفاف الوالى متناقشين

وعن مصايبنا متغافلين

فات ايام وشهور قاسيين

لما وصلنا الاربعين

وانتوا فى سابع نومه غاطسين

.

السبت، 16 يناير، 2010


آه يا ولدى
لنصمت وتكلم انت يا رب








الأربعاء، 18 نوفمبر، 2009

11 +حكم = فريق الجزائر



يتكون فريق الجزائر من 11 ملاكم وحكم

الأحد، 15 نوفمبر، 2009

مبرووووووووووووووووووك فرحة المصريين
















الأحد، 25 أكتوبر، 2009

س ج م

بعد ان اتضح ان المتسبب فى حادث قطار العياط الثانى
هو جاموسه اصبح الشعار الجديد للسكك الحديديه
(س ج م ) سكك جاموس مصر
على راى اعلانات السكه الحديد
المصرى اللى على حق يستاهل الموت والحرق

زمان كنا علشان نخلص من حد نرميه تحت القطر
دلوقتى لو عايز تخلص من حد اسرع ارميه جوه القطر
لو ما اتحرقش وماعملش حادثه
هيموت من الضغط بسبب التأخير

الخميس، 30 يوليو، 2009

استماره بخمسه وسبعين - قصه قصيره

انا استماره بطاقه رقم قومى بس من الغالى بخمسه وسبعين جنيه لونى اخضر...قصتى بتبتدى من اول ماكنت ورقه ماسواش شلن بقدرة قادر بقيت اساوى كتير طالعه من المطبعه فرحانه بلونى الاخضر وبتمنى الغالى بس كل ده مش مهم انا قصة حياتى القصيره بتبتدى لما حد يشترينى ويحررنى من حبسة الخزنه وريحة الفلوس القديمهواخيرا انفتح باب الخزنه وجه دورى اخيرا الحريه ومع اول ضوء دخل الفضول غلبنى اشوف مين هيشترينى...ودى كانت أول صدمه..اصل اللى كان فى خيالى ان كل اللى بيشترى استماره بخمسه وسبعين غنى وظروفه مرتاحه لكن الواقع غير كده خالص اغلب اللى بيشترى استماره ب75 غلابه وعلى قد حالهم زى صابرطبعا اكيد عرفتوا مين صابر...شاب اسمر مش مهم شكله لانه واحد من ملايين يمكن يكون جارك او اخوك اوصديقك هو شبههم وشبهك والهم اللى شايله زى همهم وهمك ..لكن رغم انى كنت اتمنى يشترينى حد غيره ظروفه احسن لكن ماعرفش ليه تعاطفت معاه وتمنيت اسعده لما اتحول من استماره لبطاقه واصبح كل همى هو صابر..مسكنى صابر بايده وعينه بتلقى بنظرة وداع على الخمسه وسبعين جنيه اللى اختفت فى الخزنه الضلمهماحدش عارف هى رايحه فين حتى الموظف اللى اخدها من صابر مايعرفش مصيرها وماحدش بيقول ويمكن ماحدش سأل..مسك صابر قلمه وبدأ يكتب بياناته بحرص شديد كأنه فى لجنة امتحان اسئلته السهله جدا خايف يجاوب عليها.رغم ان السؤال هو اسمك لكن القلم خايف يجاوب خايف يكتب خانه غلط تبوظ الاستماره وتضيع الفلوس ..ما اصعبه امتحان.. لكن صابر طول عمره مجتهد وذكى ومتفوق موس مذاكره زى مابيقولوا ومعاه شهاده عاليه. بدا يكتب اسمه صابر واسم ابوه راضى جنسيته مصرى تاريخ ميلاده لسه فى عز شبابه عود اخضر طاقه منتجه عنوانه جيراننا . طبعا الحاله الاجتماعيه اعزب... اما المهنه هى اللى حيرتنى عايز يكتب عامل اجرى !! والله صعبان على يا صابر وصعبان علي تعبك وسهرك الليالى فى المذاكره ودعوات اهلك بالنجاح عملتلك ايه الشهاده اخرتها عامل اجرى! بس كله يهون علشان لقمة العيش .خلاص صابر كتب كل البيانات المطلوبه بدقه بس اللى محيرنى لغاية دلوقتى نظرة صابر مش مبسوط بس مش زعلان. ماعندوش امل بس مش يائس باختصار تقدروا تقولوا عليه صابربس مش راضىاصل صابر عقبال عندكم جميعا جايله عقد عمل فى دوله عربيه يشتغل عامل اجرى وباع اللى وراه واللى قدامه علشان يجيب العقد.... بس هو كان نفسه يشتغل فى بلده بفلوس قليله مش مشكله بس يشتغل المهنه اللى بيحبها واللى علشانها ذاكر وتعب واخد بكالوريوس التربيه كان نفسه يشتغل مدرس تاريخالطابور طويل الدنيا حر واخيرا وصل صابر للموظف اللى استلم منه الاستماره حسيت ان دى لحظة الفراق هتبتدى رحلتى بس من غير صابر بس اللى مصبرنى ان صابر وهو ماشى اخد حته منى مكتوب عليها ايصال استلام لسه فيه حاجه بتربطنى بيه ...مشى صابر والموظف حطنى وسط كوم استمارات كلهم اعرفهم كنا مع بعض فى خزنه واحده تقريبا كلنا دفعه واحده شبه بعض بس اختلفنا لما باعونا كل واحده مننا شايله هم غير اختها وبيانات مختلفه الشبه الوحيد اللى فاضل بيننا ان كلنا محبطين من اللى شوفناه كلنا صعبان علينا اللى اشترانا كلنا بنتمنى نتحول بطاقه باقصى سرعه وده حقنا لاننا استمارات مستعجله ...بس مستعجله على ايه....ده اول تعليق سمعته من اول موظف مسك مجموعة الاستمارات وقال لزميله خد دى استمارات مستعجله هو قالها على انها دعابه بس احنا مستعجلين على مصالح اصحابنا ومهمومين بهمهم تعرف ياصابر كان المفروض يسمونا استمارات مهمه لان اسم مستعجله مش بيثير اهتمام الموظف لان احنا فعلا استمارات مهمه.. مصير ناس كتير متعلق بينا تعرف كمان المفروض يسمونا استمارات غاليه لان تمنا غالى جدا بالنسبه للفئه اللى بتشتريناتمنا بيمثل ثروه بالنسبه للغلابه اللى زى حالاتك....انت تعرف رغم كل ده بيسمونا ايه ؟ استمارات خضرا...... احنا المفروض نطالب بتغيير اسمنا يسمونا استماره مهمه مستعجله غاليه مهمومه

السبت، 18 يوليو، 2009

حكمه لطلاب الثانويه

مش مهم مجموعك كام...المهم ابوك هيدفع كام

السبت، 27 يونيو، 2009

لماذا روب المحاماه اسود

في عام 1791 وبالتحديد في فرنسا

كان أحد القضاه الفرنسيون جالسا في شرفة منزله يستنشق الهواء وبالصدفه شاهد مشاجره بين شخصين انتهت بقتل احدهما وهرب الشخص القاتل ...


فأسرع احد الاشخاص الى مكان الجريمه واخذ القتيل وذهب به الى المستشفى لاسعافه ولكنه كان قد لفظ انفاسه الاخيره ومات

فاتهمت الشرطه الشخص المنقذ وكان بريئا من هذه التهمه

وللأسف فقد كان القاضي هو الذي سيحكم في القضيه

وحيث ان القانون الفرنسي لا يعترف الا بالدلائل والقرائن . فقد حكم القاضي على الشخص البرئ بالأعدام .


على الرغم ان القاضي نفسه هو شاهد على الجريمه التي وقعت امام منزله

وبمرور الايام ظل القاضي يؤنب نفسه المعذبه بهذا الخطأ الفادح


ولكي يرتاح من عذاب الضمير . اعترف امام الرأي العام بانه اخطأ في هذه القضيه

وحكم على شخص برئ بالاعدام

فثار الرأي العام ضده واتهمه بأنه ليس عنده امانه ولا ضمير


وذات يوم اثناء النظر في احد القضايا وكان هذا القاضي هو نفسه رئيس المحكمه

فوجد المحامي الذي وقف امامه لكي يترافع في القضيه مرتديا روب اسود

فسأله القاضي : لماذا ترتدي هذا الروب الاسود؟

فقال له المحامي . لكي اذكرك بما فعلته من قبل وحكمت ظلما على شخص برئ بالأعدام

ومنذ تلك الواقعه واصبح الروب الاسود هو الزي الرسمي في مهنة المحاماه ومن فرنسا انتقل الى سائر الدول
ولم تذكر القصه انه اضيف بعد ذلك له قطعه بيضاء فيه بهدف التدليل علي الرحمه والعدل في وسط الظلم
والسؤال الان هل العداله فقط في ارجاع الحق لصاحبه وتذكير القاضي فقط بروب لونه اسود حتي ولو كانت الحقيقه والحق يعود بعد سنوات

حماتك ماماتك

اكتسبت الحماه سواء حماة الزوج او الزوجه شهرة ظالمه ربما لبعض النماذج السيئه من الحموات فقد جاء اديب يتبرع بحماته لجمعيه خيريه فمن اعجب ما قرات ان احد الادباء كان دائم الشكوي والبكاء من حماته فاقترح عليه صديقه وكان سكرتيرا لاحدي الجمعيات الخيرية - ان يحتال لارسالها اليه لعله يستطيع يتفاهم معها علي ما يزيل اسباب تلك الشكوي وبعد ايام ذهبت الحماه الي السكرتير ومعها من زوج ابنتها خطاب التوصيه التالي :" عزيزي : لم اكن اتمني لك ذلك اليوم الذي يكتب الله عليك فيه لقاء السيده حماتي ولكن ما باليد حيله وعلي حال انت تعلم اني طالما تمنيت ان اتبرع لجمعيتكم بشئ ما وها قد ان الاوان لتحقيق هذة الامنيه اذ رايت السيدة حماتي هي الشئ الوحيد الذي يمكن ان استغني عنه ارجو ان تقبلوه تبرعا مني خذوها لتاديب الفتيات في " دار تربية الفتاه " او لتخويف الاطفال في " دار رعاية الاطفال " !!
ولا اخا لك تضمن علي بقبول هذا التبرع فتخدم به الانسانية في ميدانكم وتنقذ الانسانيه المعذبة في شخصي المسكين والله اسال ان يوفقكم لاخذها او ياخذها هو انه سميع الدعاء
تفتكرو الحماه هي ام الزوجه او الزوج فقط ولكن ممكن تكون حماتك هي ام من تحب ايضا 0000اعتقد الاثنين لان الاصل انهم مرضي
تفتكرو ايه رايكم

الجمعة، 26 يونيو، 2009

مرتاح وانا تعبان

مرتاح وانا تعبان . لاني قريب من حضنه . واثق فيه ومش قلقان لان الحكمه في قربه . ممكن اكون تعبان ان ماختش اللي عايزه . لكن الاكيد اني مرتاح لاني واثق من عدله . طلبت كتير علشان ارتاح وكان بيتهيألي اني بطلب اللي طالبه . لكن بعد فترة مااختش طلبي اللي طلبته . زعلت اتخنقت مليت بكيت انهرت بس باردو مرتاح وانا تعبان لان واثق في حبه وهايختارلي من قلبه . بنزعل الاول منه . لانه ما ادناش اللي عايزينه . لكن هو شايف الاغلي والاحلي بس للاسف طولة باله هي اللي تعباني وتعبانا . هايديني اللي انا عايزه وابقي مرتاح وانا مرتاح . ولا هايحرمني منه ويديني غيرة واكون مرتاح وانا تعبان . لكن في نفس الوقت واثق ان هاكون مرتاح انما تعبي في اني ما نولتش اللي هاويته واتمنيته . علي طول قريب منا . بتسمعنا قبل ما تكلمنا . عارف اللي جوانا وبحنيتك بتداوي ألمنا وبتحيي ضمايرنا . نسيناك واحنا قاصدين . وانت مش ممكن تنساني لا صاحيين ولا نايمين . بنجوع ونعطش ونتعري .وانت بتكسينا وتشبعنا وتروينا . لانك حبيبنا اللي تاعبنا وخايف اكيد علينا . ما بنحسش بقيمتك غير لما بنقع في بلاوينا . رغم ان طول عمرك ما بتسيبنا وعينك دايما علينا . وحياتك بنحبك ومحتاجين اوي لقربك وحضنك . لو بعدنا عنك . ماتزعلش . اعرف بس ان دا من تعبنا منك . بس باردو بنحبك . وما يهمكش اتعبني كمان وكمان هانكون مرتاحين واحنا تعبانين .
علشان كدا مرتاح وانا تعبان

الثلاثاء، 23 يونيو، 2009

وحيد من كتر اللي حواليا

وحيد من كتر اللي حواليا . فاكرين اني مبسوط وحاسس بمشاعرهم ليا. لكن محدش عارف ان اللي كان جوايا سابني اعيش وحيد رغم كل اللي فيا. بحاول اعيش وانسي ومن عبطي وطيبتي فاكر ان كل دول باكيين عليا. لكن للاسف ماحدش عارف ان من جوايا فاضي ووحيد من كل ما ليا . اعمل ايه . مضطر اضحك واحكي واتكلم بس ببعد عن حد يلمسني لان بقيت فاضي من جوايا مافيش غير نفس بيطلع ويدخل وياريته كان ليا. كنت بتنفس نفس تاني . مش من الهوا . لكن من حد تاني كنت عايش وبعيش منه راح ومشي وسابني وحداني . ياللي حواليا اسمعوني وبصوا جوايا وانت تعرفو مافيا ساعدوني . بس محتار . تساعدوني . ترجعوا اللي ضاع مني ولا تعملو ايه دلوني

الأحد، 21 يونيو، 2009

امسك حرامى + تحديث


استنوا شويه عليا
انا واحد وانتو ميه
انا واحد من ملايين
غلبان بسرق لقمه
وبهرب على رجليا
مش بركب طياره
زى اخوانا التانيين
استنوا شويه عليا
بصوا هناك فيه ايه
مرسيدس راكبها بيه
لو تعرفوا اصله ايه
اما انتوا صحيح غلابه
وبجد صعبتوا عليا
بتجروا ورا شحات
مش عارف يسرق لقمه
ونسيتو ابو عبارات
رماكم وسط الميه
واخركم تدعوا عليه
ملعون ابو دى سلبيه
بتجروا ورا شحات
بيسرق ملاليم
وسايبين ابو ملايين
يديها لبنت تميم
خيبتكم خيبه قويه
بتجروا ورا شحات
سارق سريقه هيفا
وفلوسكم الغاليين
راحت فى جوازة هيفا
وبوسى الواوه يا شلبيه
تعبت من الجرى ..امسكونى
على القسم ودونى
هناك هيعلقونى
يمكن ده يشفى غليلكم
من اللى عمله فيكم اسيادكم

الاثنين، 15 يونيو، 2009

اسئله فى الجون


اسئله من واحد مبيفهمش فى الكوره خالص بس بيحب اى حاجه فيها اسم مصر

س : هى مصر فيها كام منتخب؟

س : يعنى المنتخب اللى لعب مع البرازيل هو نفس المنتخب اللى لعب مع الجزائر!!!

س : هو مين اقوى البرازيل ولا الجزائر؟

س : الجزائر فازت بكاس العالم كام مره؟

س : الجزائر فازت ببطولة افريقيا كام مره؟

س : البرازيل لو لعبت مع الجزائر مين هيغلب؟

س : البرازيل غلبتنا...الناس فرحانه ليه؟

طيب يكونش الجزائريين عاملينلنا عمل ورابطينه فى خف جمل

اخر سؤال

هو كاس العالم 2010 هيكون سنة كام؟؟؟؟؟

الأحد، 14 يونيو، 2009

هل تمحو 8 ساعات احزان 8 سنوات


حينما نستمتع بالاستماع لكوكب الشرق وصوت الجبل والعندليب وعباقرة الفن في الزمن الجميل لا نجد سوي عبارة واحدة تقال وهي - هؤلاء قد انهوا كل الكلمات الجميله التي يمكن ان تغني او تلحن .ولكن وبعد مرور عشرات السنين التي اقتربت من يوبيلها الذهبي الي اليوبيل الهبي لذكراهم جاء من احيا سحر الكلمة وهو الرئيس اوباما الذي يستحق ان يلقب بالساحر . تفوه بالسلام وربط بكلمات سماويه اشعرتنا شعور افتقدناه منذ سنوات بعيدة وهو اننا عنصر واحد في كوكب واحد يربطنا اله واحد وهدف واحد ( الامان ) .جاءت زيارته في 8 ساعات لعاصمة التاريخ - مصر - ليتحدث من داخله ليلقي بحذائه الاسود الذي لطخه دماء تنزف منذ 8 سنوات افتعلتها سياسة ( ادفع ) وادفع هنا ليس المقصود منها المال وانما احاول ترجمة اصل الكلمة باللغه الانجليزيه لاني لا ارغب في نطق اسمه . فادفع دفع العالم ومن قبله المجتمع الامريكي الي نفق مظلم جاء الساحر لينيره ولكن كما قال لا يمكنه ان يقول بذلك وحده فحقا لم يكن يستحق هذا الادفع الا قبلة الوداع التي القاها زميلنا العراقي في وجهه . القي الساحر بحذائه ومد يده وزراعه بعد ان توضئة واغتسلت وتعمدت .مد يده بكل لغات الحديث .مد يده بكل الطرق الشرعيه الثلاث يهوديه ومسيحيه واسلاميه فلاول مرة نجد رئيس امريكي يطلب المعونه لا يعطي المعونه ولكن هذه المرة معونته التي يطلبها ان يضع الجميع يده بيده لنصل الى شئ واحد .هو الامان فيتعهد بحماية شعبه- بالامان - وحماية اسرائيل -بالامان - وحماية فلسطين - بالامان - استقلال العراق - بالامان - حماية الاقليات - بالامان - ارجاع وتصويب ما فات .فقط بالشعور بالامان . اخرس كل الالسنه وهذه هي الجريمه الوحيده والاولي له ولكنها جريمه تتمني المجتمع المدني في العالم منذ ان تحدد فيا لها من جريمه تتمني حدوثها كل لحظه وهي اخراس كل لسان ممزوج بالسم . فعل كل هذا في 8 ساعات الا يستحق لقب الساحر ؟؟؟؟

الخميس، 11 يونيو، 2009

خايف على بلدى


خايف عليكى يابلدى
تاخدى نزلة برد
خايف على اهلك
وشبابك اللى زى الورد
الجامعه الامريكيه
قفلوها...مش مهم
لكن مدننا الجامعيه
هى اللى مشيلانى الهم
دى فيها عيال الغلابه
ومين بيهم يهتم
طيب وقطر الصعيد
شايل كل يوم الوفات
لو واحد منهم عطس
هتلاقى الباقى مات
والمترو والاتوبيس
والتوك توك والمكرباصات
دى اللى شايله عيالنا
واخواتنا بدون كمامات
واخينا اللى فى الطابور شايفينه
بيشترى عيش من اللى عارفينه
لو يقدر على تمن الكمامه
كان اكل عيش فينو
خايف عليكى يابلدى
تروحى فى عطسه سلامات
والناس تعاير ولدى
ابوك اللى عطس مات

الخميس، 28 مايو، 2009

تداعيات مرض انفلونزا الخنازير


فى اطار الجهود المبذوله للقضاء على مرض انفلونزا الخنازير

قرر التليفزيون منع اذاعة حلقات المسلسل الكارتونى تيمون ومومبا
وذلك على كافة القنوات الارضيه والنايل سات

استماره بخمسه وسبعين - قصه قصيره


انا استماره بطاقه رقم قومى بس من الغالى بخمسه وسبعين جنيه لونى اخضر...قصتى بتبتدى من اول ماكنت ورقه ماسواش شلن بقدرة قادر بقيت اساوى كتير طالعه من المطبعه فرحانه بلونى الاخضر وبتمنى الغالى بس كل ده مش مهم انا قصة حياتى القصيره بتبتدى لما حد يشترينى ويحررنى من حبسة الخزنه وريحة الفلوس القديمه
واخيرا انفتح باب الخزنه وجه دورى اخيرا الحريه ومع اول ضوء دخل الفضول غلبنى اشوف مين هيشترينى...ودى كانت أول صدمه..اصل اللى كان فى خيالى ان كل اللى بيشترى استماره بخمسه وسبعين غنى وظروفه مرتاحه لكن الواقع غير كده خالص اغلب اللى بيشترى استماره ب75 غلابه وعلى قد حالهم زى صابر
طبعا اكيد عرفتوا مين صابر...شاب اسمر مش مهم شكله لانه واحد من ملايين يمكن يكون جارك او اخوك اوصديقك هو شبههم وشبهك والهم اللى شايله زى همهم وهمك ..لكن رغم انى كنت اتمنى يشترينى حد غيره ظروفه احسن لكن ماعرفش ليه تعاطفت معاه وتمنيت اسعده لما اتحول من استماره لبطاقه واصبح كل همى هو صابر..مسكنى صابر بايده وعينه بتلقى بنظرة وداع على الخمسه وسبعين جنيه اللى اختفت فى الخزنه الضلمه
ماحدش عارف هى رايحه فين حتى الموظف اللى اخدها من صابر مايعرفش مصيرها وماحدش بيقول ويمكن ماحدش سأل..
مسك صابر قلمه وبدأ يكتب بياناته بحرص شديد كأنه فى لجنة امتحان اسئلته السهله جدا خايف يجاوب عليها.رغم ان السؤال هو اسمك لكن القلم خايف يجاوب خايف يكتب خانه غلط تبوظ الاستماره وتضيع الفلوس ..ما اصعبه امتحان.. لكن صابر طول عمره مجتهد وذكى ومتفوق موس مذاكره زى مابيقولوا ومعاه شهاده عاليه. بدا يكتب اسمه صابر واسم ابوه راضى جنسيته مصرى تاريخ ميلاده لسه فى عز شبابه عود اخضر طاقه منتجه عنوانه جيراننا . طبعا الحاله الاجتماعيه اعزب... اما المهنه هى اللى حيرتنى عايز يكتب عامل اجرى !! والله صعبان على يا صابر وصعبان علي تعبك وسهرك الليالى فى المذاكره ودعوات اهلك بالنجاح عملتلك ايه الشهاده اخرتها عامل اجرى! بس كله يهون علشان لقمة العيش .
خلاص صابر كتب كل البيانات المطلوبه بدقه بس اللى محيرنى لغاية دلوقتى نظرة صابر مش مبسوط بس مش زعلان. ماعندوش امل بس مش يائس باختصار تقدروا تقولوا عليه صابربس مش راضى
اصل صابر عقبال عندكم جميعا جايله عقد عمل فى دوله عربيه يشتغل عامل اجرى وباع اللى وراه واللى قدامه علشان يجيب العقد.... بس هو كان نفسه يشتغل فى بلده بفلوس قليله مش مشكله بس يشتغل المهنه اللى بيحبها واللى علشانها ذاكر وتعب واخد بكالوريوس التربيه كان نفسه يشتغل مدرس تاريخ
الطابور طويل الدنيا حر واخيرا وصل صابر للموظف اللى استلم منه الاستماره حسيت ان دى لحظة الفراق هتبتدى رحلتى بس من غير صابر بس اللى مصبرنى ان صابر وهو ماشى اخد حته منى مكتوب عليها ايصال استلام لسه فيه حاجه بتربطنى بيه ...مشى صابر والموظف حطنى وسط كوم استمارات كلهم اعرفهم كنا مع بعض فى خزنه واحده تقريبا كلنا دفعه واحده شبه بعض بس اختلفنا لما باعونا كل واحده مننا شايله هم غير اختها وبيانات مختلفه الشبه الوحيد اللى فاضل بيننا ان كلنا محبطين من اللى شوفناه كلنا صعبان علينا اللى اشترانا كلنا بنتمنى نتحول بطاقه باقصى سرعه وده حقنا لاننا استمارات مستعجله ...بس مستعجله على ايه....ده اول تعليق سمعته من اول موظف مسك مجموعة الاستمارات وقال لزميله خد دى استمارات مستعجله هو قالها على انها دعابه بس احنا مستعجلين على مصالح اصحابنا ومهمومين بهمهم تعرف ياصابر كان المفروض يسمونا استمارات مهمه لان اسم مستعجله مش بيثير اهتمام الموظف لان احنا فعلا استمارات مهمه.. مصير ناس كتير متعلق بينا تعرف كمان المفروض يسمونا استمارات غاليه لان تمنا غالى جدا بالنسبه للفئه اللى بتشترينا
تمنا بيمثل ثروه بالنسبه للغلابه اللى زى حالاتك....انت تعرف رغم كل ده بيسمونا ايه ؟ استمارات خضرا...... احنا المفروض نطالب بتغيير اسمنا يسمونا استماره مهمه مستعجله غاليه مهمومه

الاثنين، 25 مايو، 2009

انفلونزا الخنازير

ظهرت انفلونزا الطيور....اعدمنا الطيور
ظهرت انفلونزا الخنازير....اعدمنا الخنازير
ادعوا معايا يارب يارب (قولوا معايا)يارب
تظهر انفلونزا التوك توك ونعدم كل التكاتك
وعلى رأى المثل (الباب اللى يجيلك منه الريح اعدمه واستريح)

الأحد، 24 مايو، 2009

يا تكاتيكك يا بلدي

انا منياوي مصري بحب كل عصري .ناديت الدنيا وبكيت لما شوفت فيها التكاتيك. كنت ماشي في حالي انا وبنت خالي .فجأة طلعلي واحد يقولي خلي بالك من البني .مافهمتوش الاول لكن بعديها ومرة واحدة اتفتحت الاشارة وبصيت لقيت نفسي زي مايكون قدام بلاعه وطالع منها جيش صراصير . هما ما كانوش صراصير لكن كان حاجه بني زي الصراصير بتجري علي الارض مش بتطير من غير نظام ولا تقدير بتطلع اصوات كتير اغلبها صوت نفير .سألت ايه الحكايه قالولي انت كنت فين الدنيا اتغيرت وبدل ما في حناطير بقه في صراصير . قولت هو لكل واحد صرصار قالولي زي ما انت تختار طلعت فوق الرصيف لكن للاسف لاقيته في ضهري قلت يا رب ارحمني رديت بنت خالي وقالتلي نتقيه ونشتريه . قلتلها دا غالي ومش هانقدر عليه . نركبه احسن بدل ما تشتريه وبسرعه رديت عليها نركب صراصير . قالتلي نعمل ايه مش احسن اننا نعمل خير . سألت نفسي هو ليه كدا ؟ رغم ان الكبير قال انها تمشي بنظام وحدود وحددلها تسعيرة وكمان ترخيصه. طيب هي الناس عايزاها ولا عايزه تنساها . رد واحد وقالي الناس عايزة تنسي بلاها . ما هي ماليه الدنيا ودنياها اشمعني في بلدنا توكتوكنا صرصار وماشي علي هوانا من غير ظابط ولا رابط 000000 وعجبي