الأحد، 24 مايو 2009

يا تكاتيكك يا بلدي

انا منياوي مصري بحب كل عصري .ناديت الدنيا وبكيت لما شوفت فيها التكاتيك. كنت ماشي في حالي انا وبنت خالي .فجأة طلعلي واحد يقولي خلي بالك من البني .مافهمتوش الاول لكن بعديها ومرة واحدة اتفتحت الاشارة وبصيت لقيت نفسي زي مايكون قدام بلاعه وطالع منها جيش صراصير . هما ما كانوش صراصير لكن كان حاجه بني زي الصراصير بتجري علي الارض مش بتطير من غير نظام ولا تقدير بتطلع اصوات كتير اغلبها صوت نفير .سألت ايه الحكايه قالولي انت كنت فين الدنيا اتغيرت وبدل ما في حناطير بقه في صراصير . قولت هو لكل واحد صرصار قالولي زي ما انت تختار طلعت فوق الرصيف لكن للاسف لاقيته في ضهري قلت يا رب ارحمني رديت بنت خالي وقالتلي نتقيه ونشتريه . قلتلها دا غالي ومش هانقدر عليه . نركبه احسن بدل ما تشتريه وبسرعه رديت عليها نركب صراصير . قالتلي نعمل ايه مش احسن اننا نعمل خير . سألت نفسي هو ليه كدا ؟ رغم ان الكبير قال انها تمشي بنظام وحدود وحددلها تسعيرة وكمان ترخيصه. طيب هي الناس عايزاها ولا عايزه تنساها . رد واحد وقالي الناس عايزة تنسي بلاها . ما هي ماليه الدنيا ودنياها اشمعني في بلدنا توكتوكنا صرصار وماشي علي هوانا من غير ظابط ولا رابط 000000 وعجبي

1 رايك يهمنا:

لاسع افندى يقول...

ايه ياعم يا منياوى احنا هنقطع على بعض ولا ايه انا كنت ناوى اكتب عن التوك توك بس انت قلت مافيه الكفايه عموما انا شايف ان التوكتوك محتاج شغل كتير من الحكومه ومن المرور ومن الناس ومن الصحافه بس فكرة الغاؤه فات اوانها خلاص لانه اصبح امر واقع وفاتح بيوت كتير بس محتاج رقابه شديده

تحياتى لك