الأحد، 25 أكتوبر، 2009

س ج م

بعد ان اتضح ان المتسبب فى حادث قطار العياط الثانى
هو جاموسه اصبح الشعار الجديد للسكك الحديديه
(س ج م ) سكك جاموس مصر
على راى اعلانات السكه الحديد
المصرى اللى على حق يستاهل الموت والحرق

زمان كنا علشان نخلص من حد نرميه تحت القطر
دلوقتى لو عايز تخلص من حد اسرع ارميه جوه القطر
لو ما اتحرقش وماعملش حادثه
هيموت من الضغط بسبب التأخير

19 رايك يهمنا:

rony يقول...

ههههههههههههههه
والله يا لاسع عندك حق
دى طلعت الجاموسه هى السبب
هنقول ايه
غير انها جاموسه جاهله
ما اتعلمتش قانون مرور القطارات
وكمان ايه دى طلعت جاموسه عميا وطرشه حتى اللى كان جاى وراها اعمى واطرش
مش مهم مش فى جثث واهو الحانوتى هيسترزق
رزق ناس على ناس
وكانت جاموسه طيبه
باى يا لاسع

مي يقول...

لالالالالالالالالالا واعمل لجان وتقصى الحقائق
ولسسسسسسسسه وفعلا ظهر ان الجاموسة السبب وازاى صاحبها يسبها ماشية بليل كده الله دى جاموسة متربتش

لا والضحك ان الاشارة بتاعة القطر كانت حمررررررررررا بس السواق كان شكله بيتابع الماتش

ااااااااااااااااه يابلد عايزة الحرق
لما دم الغلابة يبقى رخيص اوى ده قطر كل الفلاحين الغلابة بتوع الاسواق والعمال كانوا فيه

حسبى الله ونعم الوكيل لنا رررررررررررررب

أبــــو ضـــيــاء يقول...

ههههههههههههههههههههههههههههههههههههههههههههههههههههههههههههههه

فعلا يستاهل الموت والحرق
ما هو اللي يسكت عالمهازل دي لازم يحصله كده

الأحــــــ إيناس ــــــزان يقول...

بجد انا مصدومه باللى بسمعه كل يوم

وكمان العباره اللى مسئول عنها جاموس بردا

ما هو احنا فى بلد جواميس

يع يع
سلام

promise is promise يقول...

والله العظيم ده هم ياهه وهم يا هىهى

حسبنا الله ونعم الوكيل

دى اخر اخترعات الحكومه بذمتهم مش مكسوفين من نفسهم وهما بيقولوا كده

ده بجد اللى اختشوا ماتوا

ولا عزاء للمصرين

mimi يقول...

بالمختصر المفيد
كلامك ده أكيد
لو مش بتحب حد
وديه قطر الصعيد

أبو أمل يقول...

يا دين أمي! ده بيقوللك ناس ماتت و بتاع! إيه الجاموسة الرذلة دي؟ أنا شايف إنهم يحاكموا الجاموسة!

أنا مرة ركبت قطر و الكمساري قاللي هات التذاكر .. قلت له التذاكر معاك انت مش معايا .. قاللي باين عليك دمك خفيف ياد .. قلت له انت بتقوللي أنا ياد؟؟ قاللي أمال باقول لمين؟

هو قال كده من هنا و ما شفش نور بعدها .. مسكته طلعت ميتين أمه .. فركته كده .. لفيته في سيجارة

بعدها على طول سلمني لقسم الشرطة اللي في محطة سيدي جابر في اسكندرية

و هناك .. مسكوني طلعوا ميتين أمي .. فركوني كده .. لفوني في سيجارة

فحلفت بالحرام من ديني ما أنا راكب قطر تاني .. العمر مش بعزقة يا عم , و الكلاب تسير و القافلة تعوي

مين عارف؟ مش يمكن لو كنت ما حلفتش , كنت أركب القطر ده و أموت زي اللي ماتوا

كلنا هنموت .. المهم عملنا إيه في حياتنا؟

قولولي .. عملتوا إيه في حياتكوا؟

الشاعر
فتحي حمدالله (أبو أمل)
صاحب ديوان (سلم لفوق)

شفـقــة و إحســــان يقول...

ههههههههههههه
هو ده الشعار الحقيقى لسكك حديد مصر
والله مفيش غيره
وعلى راى يونس شلبى
قال الجاموسة يا عينى على الجاموسة

micheal يقول...

هههههههههههههههههه
س ج م
هههههههههههههههههه
أيوة كده يا راجل فينك من زمان ع البلوج ده
:)
المصري اللي على حق يشوف الغلط ويطق
:)
ولا عزاء لسكك حضيض مصر
تحياتي

العيسوى الصغير يقول...

والله انا بركب القطر 4 سنين اهوه واعرف ناس بتركبه من مدة والحاجلت دى عادية مالو القطر التانى كان وقف كان هيجى القطر التالت ويخوش فيهم عادى بعنى

تأثير الفراشة يقول...

معاك حق

مش عارفة أقول لحضرتك إيه

بجد ربنا يستر

وفقك الله لكل خير و كفاك شر سكك الحديد

م/محمود فوزى يقول...

السلام عليكم
ربنا يستر
بس طبعا المهم هنا ايه باه
انك لما تشوف حد بيبوظ القطر توقفه
مش توقف القطر
لا توقف الشخص ده
مش مشكله ان القطر حالته ايه ولا مواعيده شكلها ايه
ولا هايقف فى المحطه ولا هايعمل حادثه قبلها
المهم محدش يشخبط فى القطر

طبعا انا باهزر وانه طبعا المفروض لو شفت حد بيبوظ توقفه
لكن اللى يضايقنى انهم من زمااااااااااااااان وهم بيقولوا هايطوروا القطارات
بس مش عارف امتى
ربنا يسهل الصعب ويقرب البعيد وتتحسن القظارات

الزنارى يقول...

اعلانات سكك حديد مصر مستفزة جدا
فقد اوضحوا و كاننا نحن سبب خراب القطارا و لكن
اتضح من خلا الحادث من السبب
اشكرك على الموضوع

blue-wave يقول...

هههههههههههههههههههههه
والله تسلم دماغك الاسعه دى

Hager Za3bal يقول...

ههههههههههه

هم يبكي وهم يضحك :))))))))))

الايــــــــــام يقول...

ههههههههه افكار لاسعه بجد يا استاذ لاسع

يالا على الاقل فيه عندكم مسؤول ..-جاموس ..-ع العباره انما احنا بقا شكل تاااااااني خالص لا فيه جاموس ولا حتى جاموسه وكل يوم فيه ناس ابرياء بتروح في الرجلين ولا فيه من يعبر او يهتم من اصلو ....

المهم فعلا اضحكتني يالاسع بموضوعك هاد اضحك الله سنك

hayoomaa يقول...

ههههههههههههههههههه والله عندك حق

لاسع افندى يقول...

hayoomaa

انتى فين

أسيرة اللوحة يقول...

موقف مضحك مبكي ,,

سبحان الله جاموسه تسببت في كل هذا ,,
و هل نضع اللوم عليها !

ههههه
اضحكتني ,,
شكرا^^