استنوا شويه عليا
انا واحد وانتو ميه
انا واحد من ملايين
غلبان بسرق لقمه
وبهرب على رجليا
مش بركب طياره
زى اخوانا التانيين
استنوا شويه عليا
بصوا هناك فيه ايه
مرسيدس راكبها بيه
لو تعرفوا اصله ايه
اما انتوا صحيح غلابه
وبجد صعبتوا عليا
بتجروا ورا شحات
مش عارف يسرق لقمه
ونسيتو ابو عبارات
رماكم وسط الميه
واخركم تدعوا عليه
ملعون ابو دى سلبيه
بتجروا ورا شحات
بيسرق ملاليم
وسايبين ابو ملايين
يديها لبنت تميم
خيبتكم خيبه قويه
بتجروا ورا شحات
سارق سريقه هيفا
وفلوسكم الغاليين
راحت فى جوازة هيفا
وبوسى الواوه يا شلبيه
تعبت من الجرى ..امسكونى
على القسم ودونى
هناك هيعلقونى
يمكن ده يشفى غليلكم
من اللى عمله فيكم اسيادكم
10 رايك يهمنا:
نسيتوا أبو عبارات رماكم وسط الميه
واخركم تدعوا عليه
ملعون أبو ده سلبيه
حلوة قوى
شكرا ...
هههههههه هم يضحك وهم يبكي
والضحكه دي مش بيضحك ابدا
ههههههه علي رايك
بوسي الواوا ياشلبيه
البوست جامد
بس بيوجع اوي
دا عشان بحب بلدي
:) :) :)
انا اللي لا تعليق
بجد كلامك حلو اوي انا بحب النوعيه دي من الكتابه بس مش بعرف اكتبها
اتمنى ان اقرأ المزيد
تقبل مروري
يا سيدى الحراميه كتيير
بس فين النفس اللى تقبض عليهم
يعنى حتيجى على بتاع العباره
ولا حراميه القروض
ولا اكياس الدم الفاسده
ولا القمح الفاسد
ولا المبيدات المسرطه
ولا ايه وايه وايه
استنوا شويه عليا
انا واحد وانتو ميه
انا واحد من ملايين
غلبان بسرق لقمه
وبهرب على رجليا
مش بركب طياره
زى اخوانا التانيين
استنوا شويه عليا
بصوا هناك فيه ايه
مرسيدس راكبها بيه
لو تعرفوا اصله ايه
اما انتوا صحيح غلابه
وبجد صعبتوا عليا
بتجروا ورا شحات
مش عارف يسرق لقمه
ونسيتو ابو عبارات
رماكم وسط الميه
واخركم تدعوا عليه
ملعون ابو دى سلبيه
جميلة جدا الكلمات
تقبل مرورى
السلام عليكم
جميله قووى
احيك من كل قلبى
انوسه
مشكلتنا ياعزيزى اسمحلى اختلف معاك
اننا بنفرق
السرقه من غنى والسرقه من فقير
وان ده غنى قوى وده نص نص
فين المبادئ اللى اتربينا عليها ان السرقه حتى اذا كانت ربع جنيه غلط
بوست معناه جامد اوى
عندك حق فى كل كلمه قلتها
عارف هما بيمكسوا الشحات اللى بيسرق
ملاليم وبيسيبوا اللى بيسرق ملايين
لان ده عبيط وغلبان وكمان بيجى يجرى اودامهم وهوة الوحيد اللى بيقدروا يمسكوه علشان يقولوالك ان احنا متبعين القانون وما بنسيبش حد يهرب
قال يعنى شايفين شغلهم كويس بلد قانون صحيح
تحياتى
ليكى حق ياجيجى..بس عاوزه اسألك يالاسع..هو انت مسكت حرامى وقالك الكلام ده وللا انت الحرامى اللى اتمسك؟؟؟؟؟؟؟؟؟
ماشى يا مونى طبعا انتى راجعه من المصيف فايقه ورايقه وهتستلمينى تريقه عموما لما اشوفك فى الشغل عاملك مفاجأه
حمدالله على السلامه
إرسال تعليق